شيرين أنطوان أبوعاقلة - مسبقاً:كلام كبير و تفضيل الفوضى

إيه رأيك في قسم جديد يكون اسمه مثلاً "فوائد لغوية و دينيّة" و انقل له هذا الموضوع والمواضيع المماثلة علشان تفضل ظاهرة و متجمّعة؟  اقترح اسم..

قسم جديد ايه بس انت خربت المنتدى
فيه قسم عندك اسمه ابتسامه وعليه صوره عبد الفتاح القصرى
دخلت فيه ملقتش اى فكاهه ههه
ولا نكته حتى

مش عاجبك اسم عبفتّاح؟ يعني أشتكيك لقمع الإبريمي (بلحة كتير عليه: بصوت إليسّا) اللي كَبَسْ على نفسكم و أقولّه اسمه مش عاجبك؟
و كمان مش عاجبك صورة القصري؟ بسيطة.. هات صورتك أحطّها بدالها !
 النكت "عميقة" و مقصودة أن تكون مبكية و كاشفة للحقيقة..  عندك نكت تانية عاجباك حطّها و خدلك ثواب في ابتسامة حتى لو كانت مُرّة..


^^^^   قمع البلح -أيوه الجزء اللي بتفّه من بقّك   ^^^^
أصل النوى بيحمّصوه و يطحنوه و يبقى قهوة التمر

حطّيتها في دماغي دلوقتي ولازم أكتب كلمات بديلة لأغنية إليسّا "مش كتير عليك" و ابدأها "بلحة كتير عليه".. عاجبك كده؟ خلّتنا بوّظنا الموضوع بتاعك ولازم أفصل التعليقات الأخيرة.. بس لمّا أفضى عشان عايز أنام ساعة قبل الفطار..

مالك وماله الراجل شغال اهو
ولا انت عشان روحت اوروبا يعنى
تعالى هنا واكتب اللى بتكتبه ده
هههههه
انا مش بدافع عنه بس كده احسن من الفوضى

رؤيا كتب:

مالك وماله الراجل شغال اهو (شغّال سرقة ونهب وبناء قصور و هياكل مشاريع فاشلة عمّالة بتقع من غضب الله)
ولا انت عشان روحت اوروبا يعنى (أنا عدّيت عليها في السكّة بس)
تعالى هنا واكتب اللى بتكتبه ده (شاورلي على حد كتب الكلام ده في مسر ولسّه في أمان - بس مسيري آجي)
هههههه
انا مش بدافع عنه بس كده احسن من الفوضى (الرد عليها في مقال تحت مش في جملة)

إنت برضه من اللي صدّق الكلام ده؟ الفوضى دي كانت مُصطَنَعة من البيادات و تعابين الفساد علشان يجبروا الشعب على الطاعة والتراجع عن المطالبة بالحريّات والعدالة الاجتماعيّة.. لو أعناق البيادات اللي أمرت بالفوضى كان تم تقصيرها، كانت الفوضى ح تقف.. لكن لأن المسريين رضوا بالظلم لبعضهم مقابل توقّف الفوضى المتعمّدة، عادت التعابين والحيّات للسيطرة و استمرّوا في تدمير البلد..
وبعدين: الفوضى و الجوع و الفقر أجمل مع جفاف النيل وسرقة مياهه و بناء سد النهضة اللي على وشك الانهيار و يغرّق السودان ومصر و يدمّر السد العالي في موجة الفيضان وملايين المسريين تموت وتغرق علشان حبّة بيادات تعيش و تنغنغ؟ و ترجع مصر تاني للجفاف و الجوع في سنين انخفاض النيل؟
ولّا الفوضى أجمل مع ضياع أرضها في تيران وصنافير وفقدان سيطرتها على خليج العقبة و ضياع مخزون هائل بالمليارات من البترول مقابل كام شوال رز سعودي وكام تأشيرة عمرة وحج؟
ولّا الفوضى أجمل مع هدم بيوت النّاس و منع البناء علشان كبار البيادات تعرف تبني و تبيع اللي تبنيه؟
ولّا الفوضى أجمل مع تقفيل شركات ومصانع رجال الأعمال المتوسّطين و الاستيلاء على الكبار واحد ورا التاني باتّهامات مختلفة (آخرها جهينة - أنا مش متابع لكن الموضوع انتشر) بالظلم و التلفيق؟ فيها إيه لمّا رجل أعمال ثري يبقى عنده خزنة يحتفظ فيها بأمواله و أرباحه و شقى عمره لأنّه مش مطّمّن لحكومة فاسدة وحراميّة؟ من إمتى شيل الفلوس في بيتك كان جريمة؟
ولّا الفوضى أجمل مع التصالح مع كبار الفاسدين قُصاد ملاليم يتنازلوا عنها؟  إنت عارف العزّ دفع فلوس شركاته منين؟ عارف دفع كام من فلوسه الخاصّة في شركة حديد تسليح الإسكندريّة؟  صفر! امتلك الشركة على الورق و دفع تمنها من مبيعاتها بعد ما رفع الأسعار! يعني البلد هي اللي دفعت تمن الشركة من أرباح الشركة اللي كانت أصلاً ح تيجي للبلد! ده غير إنّه بدأ ثروته بالحصول على أراضي الدولة بملاليم و بيعها بالملايين.. وغيره كتير..

البلد اللي تقوم على الظلم و ترضى بالظلم و تآمن للظالمين لا يمكن ربّك يرضى عنها ولا يخلّيها تستمرّ
(راجع تاريخ المكسيك والأرجنتين و الاتّحاد السوفييتي و دول شرق أوربّا و ماركوس الفلبّين و أوكرانيا و غيرها كتير)
لأن دولة الظلم (بتاعة البشر) ساعة و إن طالت قروناً، ودولة العدل (بتاعة اللي خلقهم و خلقنا) إلى قيام الساعة..
ولابد للّه أن يتدخّل و يهدم دولة الظلم.. وهدم الله ما بيكونش بالسّاهل.. الفوضى اللي اشتكيتوا منها دي ح تبقى لا شئ أمام الفوضى التى ستنتج عن غضب الله.. ولو مش واخد بالك الجوع والغلاء اللي واكل البلد ده من علاماته..  و الغوغاء (اللي قبلوا بالظلم و سجن المتكلّمين واغتصاب الشريفات العفيفات في السجون و الإعدامات التعسّفية للمعارضين وسفك الدماء علشان الفوضى الاصطناعيّة تتوقّف) لمّا يجوعوا - ح يبقوا نار لا تَذَرَ ح تحرق البلد أوّلها عن آخرها.
و ح تبقى فوضى لم ترى مصر لها مثيلاً منذ مجاعة الشدّة المستنصريّة لمّا المصريين كانوا بيخطفوا بعض في الشوارع و يدبحوا بعض و ياكلوا بعض (حرفيّاً) من الجوع..  ابقى اشتكي من الفوضى ساعتها.. ولن أدعو أو يدعو برفعها في مصر أو غيرها أحد من المقبول دعوتهم لأنني أقسمت على الله بذلك بل وأقسمت على الله إن دعا أحدهم برفعها لا يُقبَل دعاؤه إلي أن يندحر الظلم والظالمين..

ده مش كلام كبير ده كلام مستهتر بارواح الناس ومعيشتهم
انت فى بلاد بره متتكلمش على الناس فى بلاد جوه
اللى ايده فى الميه مش زى اللى ايده فى النار
بص على سوريا بص على اليمن بص على العراق بص على ليبيا وبعدين تعالى ناقشنى
قبل الثورات قالو صدام والقذافى وعلى صالح ومبارك ظالمين
الان بيحلفو بحياتهم
انسى ان العرب يكون فيها ديمقراطيه زى الغرب
فى اختلاف ثقافات
انت نفسك بتحلف بالغرب وبعدلهم وحضارتهم
ده لانك فارغ من جواك لا يوجد ما تعتز به
فاصبحت تهاجم جزورك لمجرد دوله مش على هواك
لا وكمان بتهاجم شعب كامل عشان مش على هواك
لا احنا بنفهم يا سمنودى وبنفهم احسن من اى حد
اياك تهاجمنا وانت عندهم دى خيانه

رؤيا كتب:

ده مش كلام كبير ده كلام مستهتر بارواح الناس ومعيشتهم
انت فى بلاد بره متتكلمش على الناس فى بلاد جوه
اللى ايده فى الميه مش زى اللى ايده فى النار

يا بختي بِمِين (بالّذي بالمصري) بكّاني وبكى عليّه ولا بمين ضحّكني وضحّك النّاس عليّه..
من لم يهتم بأمر المسلمين ليس منهم
وبعدين أنا من جيل تشبّع بالنشيد الوطني حتى النخاع: تحب أسمّعهولك كامل؟ لكن انتمائي تغيّر و صار لله قبل أي شيء
واضح إنّك مش مؤمن من الأصل بقضيّة المهدي وعلامات السّاعة أو إن ده وقته ..  أنا إيدي عمرها ما كانت في الميّه.. من أكتر من عشرين سنة من لحظة ما هاجرت و وقت ما مصر كانت مشغولة بإنجازات مبارك وجمال مباريات كرة القدم المحليّة والإفريقية والعالميّة و الاحتفالات السنويّة بمبارك وعيد ميلاده و أعماله و المهرجانات، أنا كنت باغلي من جوّه وضغطي بيعلى من أخبارها اللي كنت باتابعها كل يوم لإنّي كنت مُدرِك السكّة اللي ماشية فيها زي اللي سبقوها (مكسيك-برازيل-فلبّين-إلخ) رغم إنّي كنت خلاص هاجرت وسبتها.. وكنت بشوف الضحك على مبارك و النّاس برسوامات بيانيّة مخادعة وأرقام هابلة. خد عندك مثلاً ارتفاع صادرات مصر الزراعيّة من مش عارف كام مليون دولار في عهد السادات إلى أن صارت مش عارف كام مليون جنيه وقت الفيديو في عهد البارك: بس الرقم الكبير وقت ما كان الدولار طلع 3 أو4 مرّات في الزمن ده يعني الصادرات كانت في الحقيقة نزلت كتير لأن منتجات مصر الزراعية معظمها كان محظور بسبب المبيدات!  ما ينفعشي تقارن الصادرات بعملات مختلفة في أزمنة مختلفة إلّا لو قارنت بسعر الذهب في الزمنين أو بالكميّات من نفس الخضروات. وده مثال من أمثلة كتير جدّاً..
بس بعد كل السنين دي أنا خلاص: آمنت أن الحل هو الحبل و القصاص من الظالمين و الفاسدين.. ولن يقدر على قصاص بهذا الحجم سوى الله.. فشهدت له بذلك و ناشدته أنّه آن أوان تدخّله لينصر عباده المستضعفين و ينصر دينه و أقررته على أي عقاب يشاء يُنزِل به كيف يشاء على من يشاء منهم بل دعوته وأقسمت عليه بذلك..   أنا ما عملتش حاجة بإيدي و ما حدّش يقدر يمسك عليّه جريمة!  فقط دعوت الله القادر القدير بقلبي البريء الرقيق الضعيف و عيوني المرقرقة بالدموع التى أمامك الآن! وهذا أضعف الإيمان! إيه يزعّل في كده؟

via GIPHY

رؤيا كتب:

بص على سوريا بص على اليمن بص على العراق بص على ليبيا وبعدين تعالى ناقشنى
قبل الثورات قالو صدام والقذافى وعلى صالح ومبارك ظالمين
الان بيحلفو بحياتهم
انسى ان العرب يكون فيها ديمقراطيه زى الغرب
فى اختلاف ثقافات

هوّ انت مين و مع مين بالضبط؟  دي لهجة صحفيين و إعلاميين التطبيل! على فكرة: أنا ما زلت أضع احتمال أنّك أمن دولة في عقلي.. لأن دول سهل عليهم موضوع أخذ آي-بي من أي مكان..
صدّام سقط بسبب خيانة العرب و تلاعب أمريكا به من البداية وتشجيعها له على غزو الكويت، والموضوع معروف..
اللي حصل في سوريا واليمن بسبب خيانة الإمارات والسعودية لشعوب تلك البلاد و أمور أخرى سأشرحها الآن.. ليبيا؟ خيانة مصر و الإمارات والسعوديّة و فرنسا و غيرهم لشعبها.. كل دي خيانات من حكومات متجبّرة ذات ثروة بالمليارات للشعوب الراغبة في الحريّة كي لا تتشجّع باقي الشعوب على تكرار المطالبة بالحريّة..  وكل هذه الحكومات الخائنة ستسقط بإذن الله و بتدبير الله وبحكمته في وقت متقارب قبل خروج المهدي (مع عقاب شعوبها التى ناصرت حكّامها في فسادهم وظلمهم وحربهم ضد حريّات الشعوب الأخرى وضد الله)..  هم كادوا للشعوب المظلومة المتعطّشة للعدل و الحريّة والله يكيد لهم من حيث لا يدرون ولا يعلمون.. وكيد الله لا بد سيكون فوق كيدهم..  هم اشتروا بأموالهم رجال الفساد في تلك البلاد (سوريا-مصر-اليمن-العراق-تونس-ليبيا) وساندوهم حتى بالسّلاح والإيقاع بين جماعات المقاومة (سوريا مثلاً).. لكن الله سيقلب كل ذلك عليهم متى شاء ولن يجدوا من يبكي عليهم أو يُدافع عنهم من كثرة ضحاياهم.. اصبر و انتظر...  لولا الخيانات من كيانات الظلم والفساد العربيّة لنجحت تلك الثورات لو تمسّكت بأوامر الله واجتنبت نواهيه و أقامت بلاد نفتخر بها بين الأمم.. لكن للأسف كلّها بها فساد و ظلم من تحت الحزام في قلب الشعوب ذاتها لا يرضى به الله لهذا لم ينصرهم (مثلاً: العلاقات المفتوحة والزنا المنتشر بشدّة في سوريا و لبنان بغض النظر عن الدين و المذهب و التحايل على تحريم الزواج و العلاقات بين المسلمات و غير المسلمين بقضايا إثبات نسب للفراش لاستخراج شهادات ميلاد أبناء تلك العلاقات وإدّعاء "إسلام الزوج" حتى و إن لم يُسلِم - أو الزواج المدني خارج البلاد - من إحدى القضايا قبل الثورة السورية عريس رجع البيت في سبوعه بعد الخروج للصلاة فوجد عمّه يواطئ عروسته في غيابه!).  ومن جرائم السوريين في حق العراقيين هي تحويل رضيعات و طفلات العراق الهاربات من ضرب العراق في 2001 وما بعدها خصوصاً من مات أهاليهن في الحرب أو في الطريق إلى جواري و داعرات بإشراف عصابات سوريّة و كذلك زواج متعة بالليلة للعرب في الملاهي السوريّة بدلاً من احتوائهن في بيوتهم و تربيتهم كبناتهن.  اليمن هناك بحث صحفي عن ترك يمنيّين لزوجاتهن يخرجن كي يُحضرن القات و الطعام بأي وسيلة (يبعن أنفسهن كعاهرات لسائقي التاكسيّات وغيرهم).. وهناك يمنيّين يكنزون الذهب والفضّة و يتركون باقي الشعب يموت من الجوع (زي مصر بالضبط)..  فلا تظن هجوم الجراد و الحرب الأهليّة ليست عقاباً من الله. بل هي عقاب من الله على أمور فعلوها لكن لم يصلنا خبرها لأن العالم العربي لا يحب الاعتراف بتلك الأمور أو نشرها.  نفس الأمر في معظم الخليج (تحرّش و زنا و زنا محارم و دياثة و تبادل انتشرت رائحته و أخباره على مواقع التواصل و في القضايا هذا غير أفعالهم نساء و رجال في الغرب والشرق الأقصى عندما يُسافرون حيثُ الحريّات متاحة)، و هناك مناطق و عمارات معروفة بتلك الأمور و من يشتكي من غير أهل البلد من السكّان الجُدُد تقول له الشرطة اترك لهم البيت فلهم حريّاتهم ولا يصحّ أن تتجسّس على جيرانك!  وما كان ربّك بظلّام للعبيد..

رؤيا كتب:

انت نفسك بتحلف بالغرب وبعدلهم وحضارتهم
ده لانك فارغ من جواك لا يوجد ما تعتز به
فاصبحت تهاجم جزورك  لمجرد دوله مش على هواك
لا وكمان بتهاجم شعب كامل عشان مش على هواك
لا احنا بنفهم يا سمنودى وبنفهم احسن من اى حد
اياك تهاجمنا وانت عندهم دى خيانه

و بعدين جذوري التى أعتزّ بها (قل جذورك ولا تقل جزورك) هي محمد بن عبدالله بن عبد المطّلب و أبو بكر الصدّيق و عمر ابن الخطّاب.. جذوري سادوا العالم و فتحوه بعدلهم و ديمقراطيّتهم و أمروا بالعدل والسواسية (يعني الديمقراطية على الطراز الإسلامي).. جذوري ليس من بينها صلاح نصر و الشيوعيين و أمن "الدولة" و الأمن الوطني و البيادات و إعلام التطبيل والنفاق..

وبعدين إنت زعلان من دعايا على الظالمين ليه   ؟ مش أنا مو هوم؟ يبقى دعايا مش ح يجيب نتيجة !  أنا كل اللي عملته إنّي دعيت من قلبي بقهرة وقوّة و أنا قاعد مكاني.. و قاعد باقزقز لب أسمر سوبر (بتاع السمير) لحد ما الدعاء يتحقّق و ييجي دوري..  اطمئن: الله عادل و لن يستجيب لدعاء بظلم.. إلّا لو كنت خايف لأنّك تعلم أن دعائي حقّ و عدل وليس ظُلم!
وبعدين أنا مش بهاجم شعب كامل.. انا أُهاجم الظالمين والفاسدين و المتجبّرين في الأرض و المناصرين للظلمة و عبدة البيادات و القابلين بظلم غيرهم من أجل أن يأمنوا ويعيشوا هم! يعني بالكتير 85-90% من الشعب! فلا تظلمني! فانا بريء من عقاب الله على الظالمين و الشعوب التى نصرتهم براءة الذئب من دم ابن يعقوب! إنّما هي أعمالهم سُلِّطت عليهم لأن الله يُمهِل و لا يُهمِل.. دعائي قد لا يكون أكثر من القشّة التى أسقطت غضب الله عليهم! غضب تقشعر له السموات والأرض.. فجيّ تهاجمني على قشّة دعاء؟!

via GIPHY

وبعدين أنا دعيت و بادعي و ح ادعي و ح افضل ادعي كمان.. يعني هوّه أنا بادعي لمين؟ مش عشانكُم؟!

تمام كل كلامك صح بس مالوش علاقه بالحكومات ولا بالسلطان
جل ما ذكرته يتعلق بالشعوب نفسها
إِنَّ اللَّهَ لَا يَظْلِمُ النَّاسَ شَيْئًا وَلَٰكِنَّ النَّاسَ أَنفُسَهُمْ يَظْلِمُونَ (44)

معلهش كان فيه غلطة بسيطة في كلامي.. لبّ السمير الأسمر ده كان زمان من شركة أخرى لكن لم أنتبه لاختلاف الإسم لأن لون الكيس هو نفسه.. اكتشفت إن الماركة الآن على الكيس 300جم هي "سالم" لشركة كنديّة تقوم بتعبئة اللب الأسمر المصري بس المشكلة إنّه مملّح..  فأردت التصحيح.. أنا ما كنتش باهزّر لأ: أنا فعلاً أُقزقِز لب أسمر مصري سوبر أثناء انتظار تحقّق الدعوات على من يستحقّونها بكل استخفاف وبدون أي تأثُّر بما قد يحدُث لهُم (بسبب ما فعلوه سابقاً في ضحاياهم).  مثل هؤلاء لا تبكي عليهم السموات و الأرض كما في سورة الدُّخان و حتماً سيرث أموالهم وبلادهم و أراضيهم (و ربّما نساءهم ممّن لم يحق عليهن عذاب جهنّم) عباداً لله صالحين بإذن الله، فهذا وعد الله للبشريّة في آخر الزمان..  على فكرة: أنا ما باحبّش أعزم على اللب إلّلي معايا، باطلّعه من تحت ضرسي! بس مضطرّ أوقّفه عشان في رمضان الملح (وكذلك السكّر) و الصيام ما يجتمعوش علشان الملح والسكّر بيعطّشوا جامد..

كَذَٰلِكَ ۖ وَأَوْرَثْنَاهَا قَوْمًا آخَرِينَ (28) فَمَا بَكَتْ عَلَيْهِمُ السَّمَاءُ وَالْأَرْضُ وَمَا كَانُوا مُنظَرِينَ (29)

فلماذا أبكي؟

انا بحب اشحت اللب بالذات
اللهم اضرب الظالمين بالظالمين

آمين...
الكذب على الأعداء في بعض الأمور حلال! و أنا شحّات اللّب عدوّي! معيش لبّ!

ملحوظة على الجانب: لماذا توقّفت شاهيناز عن النشر في صفحاتها الثلاثة (لا أعرف لها سوى 3 صفحات توقّفت عن نشر أي شيء جديد ربّما من قبل رمضان)؟  كانت تنقل الرؤى الحديثة بكثافة..