معنى العلامات في السيارة

كان عندى عربيه موديل 1981 لم يكن بها الا عداد البنزين والسرعه واقصى ما يعطى 60 كيلومتر/ساعه

وكان عداد البنزين يعطى معلومات خاطئه

الله يرحم ايامها
كانت حمال اسيه
اتعلمت عليها السواقه وكنت اذكر انها فى البدايه كانت لا ترجع للخلف ابدا فقط للامام  
ثم تعلمت اجيب ورا
ثم سافرت بها فى صحراء لاكثر من 100 كيلو ورجعت وكانت الاشارات لا تعمل والبطاريه فارغه لازم زقه ورجعتنى الى اهلى مع كل هذا العناء

أوّلاً شكراً لصاحب(ة) الموضوع على الفائدة..
ثانياً:

ر ؤيا كتب:

الله يرحم ايامها
كانت حمال اسيه
اتعلمت عليها السواقه وكنت اذكر انها فى البدايه كانت لا ترجع للخلف ابدا فقط للامام  
ثم تعلمت اجيب ورا
ثم سافرت بها فى صحراء لاكثر من 100 كيلو ورجعت وكانت الاشارات لا تعمل والبطاريه فارغه لازم زقه ورجعتنى الى اهلى مع كل هذا العناء

الله يرحمها و يبشبش حديد التسليح اللي صنّعوها فيه!  
بس عندي أسئلة عن المرحومة: هي السيّارة كانت "دكر"  ولّا "نتاية"؟  
وبعدين ما كانتش حمّالة أوربّا و أمريكا بالمرّة   ؟ ولّا قصدك على إقليم "آسيه" بتاع أندونيسيا     ؟  آه.. قصدك "حمّالة أسيّة"..  ما تتقمصش من كلامي.. أنا باهزّر!

فكّرتني بالـ 124 أو 125 الإيطالي والبولندي اللي بدأت عليهم وأنا في ابتدائي! كنت بادخّلهم وأطلّعهم من الجراج (واحدة اتباعت وجت مكانها التانية)! و بعدين اترقّيت وبقت بيجو 504.. ولو البطّاريّة ماتت كنت باعرف أدوّرها بالزّق.. واحد جارنا و أنا في اعدادي كان بيخلّيني أدوّرله عربيته بالزقّ (هوّ و حد تاني يزقّوا وأنا أدوّر).. آخري في سواقتهم كان الطلوع لكفر عبده وجنينة إلمبي و حد معايا.. وكان فيه مطلعاية غلسة لو ما شدّتش جامد قبل ما توصلها أي عربيّة تكركر في آخرها و ما تكمّلشي بس كنت باعرف أطلعها علشان حفظت أبويا الله يرحمه كان بيطلعها إزّاي!  لازم في آخرها تنقل من التاني للأوّل بسرعة  علشان تكمّل!    بس يا سلام لو واحد بارد غلس ما عندوش دم ولا إحساس وشايفك طالع و قفّل عليك من فوق وخلّاك ما تعرفشي تكمّل!  لازم ترجع لورا لحد ما تنزل تحت بمسافة وتبدأ من جديد..  بعد وفاة والدي إخواتي كانوا رافضين يكمّلوا تعليمي السواقة علشان ما نبقاش كُلّنا بنتخانق على عربيّة واحدة: كان كفاية عليهم خناقاتهم عليها!   بس بعد وفاة والدي الله يرحمه بكام سنة و قبل ما ادخل الكليّة الوالدة أصرّت على بيع البيجو لأن اخواتي كانوا بيستهلكوها و عملوا حادثتين (تصليح واحدة كان على السوّاق التاني الغلطان) و ده كان بيقلّل سعرها..
الكلام ده في الثمانينات! دلوقتي طبعاً العربيّات الحديثة وزنها أخفّ و بموتورات أقوى..

لا انا عربيتى كانت اصيله
مرديتش تدور مع الراجل اللى اشتراها
اتصل بيا قاللى العربيه مش راضيه تدور
قلتله تصدق بالله عمرها ما خذلتنى  
مع انى كنت مهملها

وكانت الفرامل ضعيفه جدا
فقررت مره انى اخذ عيالى واهلى افسحهم بالعربيه وكنت متعلم السواقه جديد
فقررت ان ده يتم فى ساعه متاخره بالليل علشان معملش حادثه واموت كام نفس بريئه
وفعلا وقالو زود السرعه زودت وبدات ادوس فرامل مفيش ولو حد معدى فى الشارع ساعتها كان زمانو اتفرم 0
لكن الحمد لله الفرامل اشتغلت بعد محاولات كتيره

ر ؤيا كتب:

وكانت الفرامل ضعيفه جدا
فقررت مره انى اخذ عيالى واهلى افسحهم بالعربيه وكنت متعلم السواقه جديد
فقررت ان ده يتم فى ساعه متاخره بالليل علشان معملش حادثه واموت كام نفس بريئه
وفعلا وقالو زود السرعه زودت وبدات ادوس فرامل مفيش ولو حد معدى فى الشارع ساعتها كان زمانو اتفرم 0
لكن الحمد لله الفرامل اشتغلت بعد محاولات كتيره

يا راجل حد يعمل كده! أنا أهمّ حاجة عندي الفرامل و الإطارات (العجل).. لازم يكونوا أنضف نوع و أقصر مسافة فرملة طواريء مهما كان غلوّ التمن.. و الزيت لازم يكون نظيف (Synthetic 0W20) علشان يحمي الموتور في برودة الشتاء. في العربيّة القديمة (الله يرحمها مطرح ما اتفرمت خدمتنا 6 سنين و سافرنا بيها كتير) الزيت كان 5W30.. التانية كنت باستخدم زيت موتور 5W30 في الصيف و 0W20 في الشتاء. دلوقتي 0W20 صيف شتاء وبرضه لازم يكون synthetic مش عادي (بيعيش أطول مرّة ونصف أو مرّتين و بيحافظ على الموتور أكتر)...

تغيير الزيت والفرامل والعجل ح يكون إجباري في الخلافة! لو ما كشتفش في الفترة المسموحة العربية تقف و رخصتك تتجمّد! أرواح النّاس مش لعبة.. و مش أي عجل ولا أي زيت ولا أي فرامل سيُسمح باستيرادها و تركيبها! و العربيّة اللي بتحرق زيت يا تغيّر الموتور يا تتبعت على المفرمة (ح تتصادر) علشان رئات النّاس (جمع الرئة التى في الصدر) و صحّتها مش ببلاش.. واللي يُصرّ على قيادة سيّارة بتحرق زيت ح يتحط معاها في جراج مغلق و يستنشق الزيت الخارج مع العادم لمدّة ساعة.. لو مات يبقى درس لغيره.. لو ما ماتش يبقى يتكرّر الموضوع مرّة أسبوعيّاً لحد ما صدره يتعب و يعرف إن النّاس ليها عليه حقّ..