رؤيا و سمنّودي و محمد عبيد

زائر

قريبك الراجل ده يا سمنودى ؟

رؤيا كتب:: السبت أبريل 09, 2022 10:49pm
قريبك الراجل ده يا سمنودى ؟

لأ ليه؟ بقولّك عرفته عن طريق حساب واحدة ماعرفهاش (وهي حالياً من المحظورين).. كلامه اللغوي في النقطة دي لفت انتباهي وقتها.. و تابعت نقاطه اللغويّة من ساعتها.. بيقول حاجات لغوية قصيرة لكن جميلة في أقل من دقيقتين تلاتة.. بافكّر أحطّه هنا في القسم ده.. بس معظم فيديوهاته على الفيس.. معرفشي ليه الشامل بيكرهوه وحذفوه أوّل ما حطّيته؟! هو تقريباً كان محلل سياسي و مذيع أخبار لسنوات طويلة في قنوات عربيّة، واللغة العربيّة و الخط العربي عشقه..
تعرف إزّاي تخلّي إنّ ترفع ما بعدها؟

زائر

لا معرفش
انا كنت بليد فى النحو Very Happy

( الموضوع مفصول من https://rtghdfgbyto.ahlamontada.com/t3408-topic )

أديك عرفت - الإجابة هنا:
إنّ هندُ : "إنّ" هنا ترفع ما بعدها
https://rtghdfgbyto.ahlamontada.com/t3411-topic#12565

حاول تخلّي باقي النقاش هنا.. سيب "إنّ هندُ" في حالها إلّا إذا كنت ح تعلّق على الموضوع اللغوي.. باحاول أخلّي المنتدى منظّم و المواضيع ما تخرجشي عن الموضوع الأصلي علشان كده فصلت نقاشاتنا في مواضيع جديدة..

حتّى أنا يا @رؤيا لم أكن أعرف ذلك رغم أنني كنت أحصل على الدرجات النهائيّة في النحو حتى ثانويّة عامّة (لأنّه يحتاج ذكاء تحليلي زي الرياضة) بس كنت باكره البلاغة و حفظ النصوص لأن ما كانش عندي صبر عليهم و بانسى بسرعة و كنت محتاج تقوية مجموعة فيهم (الله يكرم أستاذ عبدالرؤوف لو لسّه عايش و يرحمه لو كان مات) و ما كانش لسّه عندي ذكاء لغوي (رغم إنّه لسّه في حدود المتوسّط) لأن ده من مشاكل الكَيْنِتِك أو الـ ADD/ADHD بسبب ضعف قدرات الحفظ (ورغم كده كنت في فريق أوائل الطلبة في المدرسة في ابتدائي و اعدادي).. الوحيدة اللي كانت بتخلّيني أحفظ صمّ و بسرعة قبل الحصّة هي خرزانة أبلة فوزيّة الله يرحمها و يكرِمها (إلّا لو كان عندها أكتر من 120 سنة دلوقتي لأنّها طلعت معاش بعدها بسنة أو تلاتة).. كانت الضربة الواحدة منها تخلّيك تنُطّ لفوق! فكان في آخر فُسْحة قبل الحصّة مخّي يركّز كل قدراته على الحفظ من الرّعب! كانت فقرات قصّة رفاعة الطهطاوي لازم تتحفظ صمّ! يعني الصفحة تحفظ منها 90% و إجابة أي سؤال شفوي لازم تكون مطابقة حرف بحرف لنص الفقرة! كان معاها في نفس السنة في المواد الاجتماعيّة أبلة نجاة (مسيحيّة - الله يكون هداها لأنّها كانت طيّبة) وبرضه بالخرزانة بس علشان النظام مش الحفظ.. بس أنا كنت باكره المواد الاجتماعيّة في ابتدائي واعدادي على بعضها تاريخ وجغرافيا لأن كلّها حفظ كتير و معلومات كتير.. بس واحد جاري كان مُشرِف المادّة ساعدني إنّي أحفظها.. في ثانويّة عامّة الكيمياء و خصوصاً العضوية ماقولّكشي: حفظتها بالكتابة ونسيتها في ثانويّة عامّة أكتر من 20 مرّة طول السنة! بس مذكّرات الأستاذ في المعهد ساعدتني في الحفظ والفهم و المراجعة. (هوّه هوّه أستاذ الفصل - للأسف نسيت اسمه بس فاكر شكله - حاجَة عطيّة - تقريباً كمال عطيّة أو محمّد عطيّة). كنت أحفظها و أراجعها يومين تلاتة متواصل بالكتابة أكتر من مرّة وبعد أسبوعين تلاتة ألاقيها طارت ولازم أعيد الحفظ من أوّل و جديد! طبعاً مش فاكر منها حاجة دلوقتي غير حاجات طفيفة و مستحيل أفتكر أي معادلة بعد الثانويّة العامّة بكام شهر..
طبعاً مش عايز أجيب سيرة ابراهيم سالم بتاع العربي 3 سنين في اعدادي (أبو مستيكة في حصّة القرآن) وكان بيكره المتفوّقين و أنا منهم علشان ما بياخدوش دروس و طبعاً كرّهني في المادّة.. وفي موقف عمله معايا أمام زمايلي في الفصل مستحيل أنساه طول عمري (شاركه فيه واحد رسّام في فصلنا بس مش عايز أقول اسمه - كان من مهارته في الرسم بيرسم صور عريانة تماماً جنب باب شقّتهم حسب وصفه لينا وتقريباً منهم أخته و حتّى جيرانه رغم اعتراضهم - أبوه كان عِلماني أو ملحد تقريباً وربّاهم على كده)..

زائر

ههههههه
دى حكاوى الف ليله وليله
والله حكاويك حلوه يا السمنودى

لا انا كنت بحب ابله عفاف وعشان كده كنت بشرب حصه الجغرلفيا والتاريخ مكنتش بتضرب بس شخصيتها وطريقتها تخليك تركز معاها متنح ومبلم وتحفظ الدرس من اول شرح
وفى الابتدائى كنت احب حصص العربى والقران لكن كانت عقدتى فى الحساب بسبب المدرسين
كان الاستاز محمود من اولى لغايه تالته ابتدائى وكان عنيف بيضرب بالتخته وبعديها الاستاز سعيد كان رزيل وغلس وعمره ما فكر يوصل معلومه او يتاكد من مستوانا حسبى الله فيه كرهنى فى الرياضه لغايه دلوقتى

إنت ح تعيّط معايا Crying or Very sad

؟

ما تفكّرنيش بأبلة عفاف و أبلة حنان و أبلة نوال في أولي و تانية ابتدائي.. دا انا لمّا طلعت تانية ابتدائي عملتلهم مناحة في البيت والمدرسة أسبوعين وكنت عايز أرجع أولى ابتدائي تاني عند أبلة حنان! ومرّة ما لاقونيش في فصلي وقلبوا عليّه المدرسة ولقوني عندها! وطبعاً لا يمكن أنسى أبلة أمينة في رابعة وخامسة ابتدائي..

ونسيت أذكر السيّد عبدالغني (انجليزي تالتة اعدادي) و كمان انجليزي تانية وأولى اعدادي بس أساميهم متلخبطة دلوقتي واحد فيهم اسمه (ابراهيم السيد - مصطفى السيد - مصطفى ابراهيم - ابراهيم مصطفى) حاجة من دول.. والتاني تقريباً عماد السيّد أو عماد ابراهيم بتاع
the sun is shining - the sky is blue.. what are you going to do
بس ابراهيم سالم بتاع العربي (أبو لبانة حتى أثناء قراءة القرآن) الله ما يبشبش الطوبة اللي تحت راسه ذكراه غمّت عليّه و خلّتني أنسى الباقي.. الانجليزي اتعلّمته على إيديهم وكانوا ممتازين في التعليم و حبّبونا في اللغة.. المعلّم الكبير بتاعهم (السيّد عبدالغني لو عايش يبقى عدّا التسعين بالمرتاح) كان بيحل معانا أسئلة جرامر ثانويّة عامّة في الانجليزي و احنا في آخر تالتة اعدادي.. في أولى ثانوي مدرّسة الانجليزي (أمنية أو أميمة؟) اتخانقت معايا علشان كنت باسبق في الحل في كتب المدرسة و افتكرتني باخد درس خصوصي و سابق الفصل و أنا و زمايلي شرحنالها الموضوع فاستغربت! ممكن مدرّس يخلّيك تكره المادّة طول عمرك و التاني يخلّيك تحبّها طول عمرك مهما عدّى عليك مدرّسين سيّئين بعده.. في ابتدائي مدرّس الفصل كان عربي و رياضة.. اعدادي بقوا مختلفين.. مش فاكر غير واحد بس رياضة من اعدادي (مصطفى).. مش قادر افتكر الباقيين دلوقتي.. طبعاً ناظر المدرسة محدّش بيفتكره بالخير.. كان ممكن يوقّف المدرسة كلّها على رجليها ساعة عقاب في الفسحة علشان عيّل في الزحمة شتمه.. مرّة واحد في وسط زحمة الفسحة صرّخ و قال "صلاح الكلب" أو "ابن الكلب" وكانت هي الصرخة منّه "انتباه" وقّفت المدرسة كلّها. و المدّ كان ح يبقى بالجملة و المدرّسين كان ناقص يعيّطوله لأن المدّ تقريباً لـ 1200 طالب (40-50 طالب في الفصل ضرب 3 سنين ضرب 9 لـ 11 فصل) كان ح يبقى عليهم لحد ما العيّل طلع و اعترف و شال الليلة هوّه و واحد زميله.. و أهالي الجزّارين والمقتدرين كانت هداياهم بتوصله البيت علشان عيالهم.. واحد منهم دفع بياض و تجديد البيت.. وبعد ما ولاده كلّهم عدّوا من المدرسة بعتله بلطجيّة طلّعوا منّه تمن القديم و الجديد و الموضوع اتعرف بين الطلبة بس ما حدّش طبعاً كان يقدر يفتح بقّه وفضل فترة ساكت بعدها لأن الجزّار كان واصل! من ضمن أعماله (صلاح) كانت منع صلاة الظهر في مسجد المدرسة. المسجد له باب للناس على الشارع وكان فيه عيال بتزوّغ بحجّة الصلاة. بدل ما يحط مدرّس يراقبهم وقت الصلاة قفل المسجد لفترة طويلة..

فيه مدرّس عربي افتكرت وشّه دلوقتي بس مش فاكر أي سنة.. يا إمّا أولى ثانوي يا إما تانية اعدادي (ويبقى ابراهيم سالم كان سنة واحدة بس).. كان لسّه راجع من الإعارة وكان شكله طيّب و يفتح النفس.. وكان بيحكي على آداب قراءة القرآن وإنّه لازم يتوضّأ و يتعطّر و يلبس القفطان و يجلس جلسة القرّاء قبل قراءة القرآن في بيته (أنا ممكن أقرأه بصراحة في أي حال و بأي ملابس حتى لو على جنابة إلّا طبعاً في الحمّام)..

أمّا بقى مدرّس الرياضة في أولى وتانية ثانوي كان بيكلّم السبّورة: تسمع أوّل كلمة و ما تسمعشي الباقي و الكلمة ما تتكرّرشي.ولمّا اشتكينا و بقى يعيد الكلام برضه بنفس الطريقة: كلمة و ما تسمعشي الباقي.. السبب عرفته بعدها بفترة: كان جزّار دروس.. عايز تسمعه كويّس و تفهم و تاخد درجاتك يبقى تدفع في الدرس حتّى لو ما حضرتش (رغم إن احنا كنّا فصل المتفوّقين).. كرّهني سنتين في الرياضة رغم إنّي كنت باحبّها.. مش فاكر من اسمه غير ابراهيم.. كفاية غمّ عليّه إنّي لسّه فاكر وشّه.. تالتة ثانوي ربّنا أكرمني بمدرّس رياضة ممتاز (مصطفى السيّد أو السيّد مصطفى - ابنه كان معانا في الفصل).. في الأوّل مكنتش مركّز معاه لأني كنت كرهت الرياضة سنتين قبله على إيد ابراهيم رغم شطارتي فيها.. بس واحد جارنا كان نائب المدير (وبعد كده المدير) كلّمه علشاني و المشكلة اتحلّت.. ده بالإضافة لجارنا في العمارة الله يرحمه.. مش ح ينفع أقول اسمه علشان مميّز جدّا.. و كمان والد زميلي في الفصل في اعدادي و ثانوي و أحد أصدقائي حتى الجامعة كان في نفس الحيّ (بُقْلَة - ده نطقه الشهير بس اسمه غير كده لأنّه اسم انجليزي) و كان موجّه رياضيّات وراجع معانا قبل الامتحانات وفرق معايا كتير خصوصاً في الميكانيكا.

وكمان كان فيه مدرّس الفيزياء سنتين أو 3 سنين في ثانوي (برضه مصطفى: ابراهيم مصطفى أو مصطفى ابراهيم أو مصطفى السيّد وده سبب اللخبطة في اسم مدرّس الانجليزي بتاع اعدادي).. مدرّس العربي بتاع أولى و تانية ثانوي (مش فاكر اسمه قوي دلوقتي - تقريباً محمد ابراهيم أو محمد عبدالقوى) كان ممتاز وكمان كان بيقولّنا إنّه رغم إنّه معاه السبع علوم في الشريعة من الأزهر ومع ذلك لا يُفتي، و حذّرنا من مسئولية و خطورة الفتوى.. لفترة كان عندنا مدرّس دين اسمه "عبد النبي أو عبدالنّور".. وكان فيه مشاكل كتير عليه.. و أظنّ ما كمّلشي معانا للآخر.. عرفت بعد ما سابنا إنّه شيعي وده كان سبب المشاكل لأنّه تقريباً كان بيدسّ حاجات و العيال اللي عارفة كانت بتقول لأهاليها وأهاليها تشتكي وتقريباً حوّلوه من المدرسة أو منعوه من تدريس الدين.. ده كان أوّل معرفة ليّه بالشّيعة أو يعني إيه سنّي و شيعي.. رغم إنّي كان لي معرفة أقدم بشيعي آخر وأنا صغير في مكتب عمل عمّي رحمه الله بس لا أذكر عنه شيء سيّء.. مفهمتش ليه عمّي كان حريص منّه لأنّي كنت حوالي 5 سنين وقتها.. ولمّا عمّي طلع معاش و الشيعي أمسك مكانه أساء لعمّي في المعاملة لمّا راح يزوره في المكتب حسب ما سمعت رغم إنّ عمّي كان مديره سنين طويلة و له فضل عليه و معلّمه الشغل حسب ما فهمت.. وقتها في مصر حكاية سنّي و شيعي دي كان القليل اللي يعرفها أو يفهم السبب في الخلافات..

خلاص التراويح زمانها ح تخلص (أصل أنا باكتب في الردّ ده و باصلّح و أزوّد فيه و أفتكر و أعدّل بقالي ساعة و نصف من بعد الفطار مباشرة).. ما تشيلشي في بالك أنا كدا كدا مش ناويها السنة دي كمان زي السنين اللي فاتت. إلى أن يفيق المنتظرين و كبارهم و يتوبوا إلى ربّهم و يفهموا كيف يجب أن يتعاملوا معي: أنا لا أنوي أن أهتدي..
لكنّهم على رأي نانسي عجرم: "سنة ورا سنة ورا سنة ورا سنة.." ليس عندهم سوى الكلام في الاشتياق والانتظار على صفحات الويب مع الاستهزاء و الهجوم والإهانة عند المواجهة.. لكن لا أقرأ على صفحاتهم سوى نوعيّة هذا الكلام و أنا أضحك في استهانة:

مشتاق القلب لسه ليك
وبدوب وبغير واموت عليك
والروح هيمانه طايره ليك
تسألني علي حبي انا انا انا

مشتاقه عنيّه لون عنيك
واستني بشوق لا يسيب ايديك
يا حبيبي خلاص ماانا قلبي ليك
تسألني علي حبي انا انا انا

حبيبي انت روحي انا
وبقربك انت دوقت الهنا
خد عمري كله
سنه ورا سنه ورا سنه ورا سنه
سهرانه معاك وادوب معاك
والروح همها حلمها لقاك
وهواك ميّال اعيش هواك
وبتسأل ليه
خد عمري كله
سنه ورا سنه ورا سنه ورا سنه
اه من الشوق شوق العيون
وانا لما الاقيك دايما بكون
طايره بفرحتي عاشقه بجنون
وبتسأل ليه

خد عمري كله
سنه ورا سنه ورا سنه ورا سنه

مع الاعتذار لنانسي أنني شبّهت كلام المنتظرين والمنتظرات بكلمات أغنيّتها.. فالفارق شاسع بين نفاق و مراءاة المنتظرين على صفحاتهم أمام بعضهم البعض و عاطفة نانسي وإن كانت مجرّد أداء..

(على فكرة: أنا جرّاح أعصاب في كلام الضرب من تحت الحزام و حقن الزرنيخ بعد أكلة الشهد و العسل: بكلمتين أقلب حال اللي قدّامي من فرفشة وضحك لنكد و ظلام من غير ما أمدّ إيدي ولا أضرب - زي ما عملت في السطر الأحمر الأخير)..

منتظر؟ قرّب.. بُصّ و بُصّ بُصّ..
زعلان إزعل.. إزعل برميل و نُصّ..
عمّال بابعد.. أبعد آه و نُصّ..
و ح تبقوا انتوا أكيد خسرانين..
مفيش حاجة تيجي كده....

على فكرة يا ابو عبدالرحمن: المهدي إزّاي صعيدي و مش صعيدي؟ يعني مش صعيدي بس فيه عِرْق و أصل صعيدي مثلاً زيّي؟ ولّا فيه عِنْد و نشفان دماغ الصعايدة اللي أحياناً تبقى زي جبال الجرانيت؟ ولّا ممكن دمّه الحامي و غضبه الداخلي يبقى زي الصعايدة من غير ما يبان عليه (زي حلّة الضغط مثلاً بس ربّنا يكفيك شرّها لما تنفجر؟)
و يا ترى هوّه بيقرأ إيه؟ خايف تقول ليه؟ إنت عارف هوّه بيقرأ إيه؟ قصص جنسيّة مثلاً؟ Wink

على فكرة عندك اتنين مشرفين أكيد ح يجيبوا قناتك ورا.. صقر اللي نازل شتيمة في أصحاب الأسئلة من يومين و عمّال يصفهم بالأغبياء و يحظرهم من القناة بسبب أسئلتهم البريئة لكنّها "غبيّة" في نظره لأنّه يبدو أنّها لا تتوافق مع مهديه.. و أظنّ الآخر "أسد أسد" أو "آسد".. أنصحك تطلّع الموهومين والمتحيّزين لمهدي أو صفات مهدي أو جنسيّة مهدي من الإشراف.. وعلى فكرة: أنت عندك حظر من التعامل معي حتّى 10 سنين بعد الخسف.. قبل آخر رمضان بإذن الله ح ادخل عندك تاني بمعرّف إنجليزي معناه "علاج جديد للسرطان" و سأضع عندك روابط للموقع هنا. ولو حصل حظر للمعرّف أو إخفاء أو محو التعليقات أو الروابط الحظر ح يبقى 20 سنة بعد الخسف لك و لمن معك من المشرفين وقد أُعْذِرَ من أَنْذَر.. فنبّههم بصراحة من دلوقتي: أي حد يتكلّم عن اسم المهدي في الشمس أو القمر و علامات في كف يده يبقى المشرفين ما يضايقهوش بأي تصرّف و ما يمسحشي التعليق ولا يعمل بلاغ.. بس محتاج أظبّط نفسي و أحصر التعليق في 200 حرف.. بس كمان لازم تقلّل الفترة بين التعليقات لـ أقلّ من 120 ثانية لأن التعليق ح يبقى طويل و لازم ح يتقسّم على أكتر من مرّة بسبب الروابط (احتمال أستخدم رابط مُختصر رغم أنني لا أحب ذلك).
رؤيا: بقوا ساعتين وربع بالجزء الأخير.. النّاس زمانها طالعة من الجامع..

حاشية: مدرّس العربي اللي كنت ناسي اسمه كان اسمه تقريباً عاطف و كان تانية اعدادي - لسّه فاكره دلوقتي حالاً.. وكمان كان لازم يولّع البخور قبل قراءة القرآن.. وكان عنده حركة بَرْبَشة خفيفة لا إراديّة بالعين كل فترة (مش مُعِيبَة على الإطلاق بس مميّزة).. و أعتقد الآن إن الحركة دي سببها نقص الماغنسيوم.. لابد من جرعة ماغنسيوم في حدود 300 ملليجرام في اليوم كام شهر للذين عندهم رعشة مفاجئة أو حركة انقباضات عصبيّة لا إراديّة على أوقات متباعدة في بعض العضلات (مثل جفن أو حاجب العين).. الحد الأقصى للماغنيسيوم في اليوم 450 ولأنّه موجود من مصادر أخرى و في الفيتامينات الشاملة لهذا لا يجب تجاوز 300 ملليجرام... هناك أعراض ارتفاع الماغنسيوم يجب مراجعتها فإذا بدأت تظهر بعد فترة وجب تقليل الجرعة مع وقفها حتّى تختفي الأعراض (أظن كان منها الطعم المعدني وتغيّر الطعم). نقص الماغنسيوم له أيضاً أعراض أخرى لا أذكرها الآن.. لكن يجب الحذر لأن في الغرب بعض الكابسولات تحتوي على خنزير (يكون غالباً على صورة استيارات ماغنسيوم والاستيارات هي من المنتجات الجانبيّة لصناعة الصابون من الدهون و الدهون قد تكون نباتية أو بقريّة أو خنزير لهذا يجب التأكّد).. لو الماغنسيوم مكتوب عليه نباتي أو صديق للنباتيين فلا مشكلة و إن كان من bovine (أي بقري) فلا قلق غالباً لأن طعام أهل الكتاب حلّ لكُم.. (ما انت بتاكل في بلاد المسلمين لحمة الجزّارين اللي كتير منهم حراميّة و من غير ضمير و يمكن ما بيسجدوش سجدة و من غير ما تسأل!)..

زائر

استودعك الله يا السمنودى
انهارده اليوم السابع
يعنى ممكن احذف الحساب

بتهرّج! "اليوم السابع" مين و "المصري اليوم" مين؟ إنت بتتكلّم جدّ؟ عملت حساب علشان تلغيه؟ أنا ضايقتك في حاجة؟! إنت اتعديت من رقيّة و يوسف بتوع الشامل؟

زائر

لا مضيقتنيش
بس انا كنت نويت احذفه
رقيه ويوسف عدونى Very Happy

زائر

بس هما بيرجعو على طول
انا ممكن الغيبه تطول شويتين
سنه سنتين
الله اعلم
يمكن نتقابل فى الجنه
انت مستعد للموت يا سمنودى ؟
ولو مت هتدخل الجنه ؟
انا عن نفسى مش عارف
الله يرحمنا برحمته

رؤيا كتب:: بس هما بيرجعو على طول
انا ممكن الغيبه تطول شويتين
سنه سنتين
الله اعلم
يمكن نتقابل فى الجنه
انت مستعد للموت يا سمنودى ؟
ولو مت هتدخل الجنه ؟
انا عن نفسى مش عارف
الله يرحمنا برحمته

لو ضامن إن الله راضي عنّي أنا عندي استعداد أموت امبارح قبل النهاردة..
بس أنا عارف إنّي لو ما عملتش اللي مكلّف بيه مش ح يرضى عنّي و ح يحصلّي إيه!
وَاتْلُ عَلَيْهِمْ نَبَأَ الَّذِي آتَيْنَاهُ آيَاتِنَا فَانسَلَخَ مِنْهَا فَأَتْبَعَهُ الشَّيْطَانُ فَكَانَ مِنَ الْغَاوِينَ (175)
يعني محطوطلي عقدة في المنشار.. فغصب عنّي لازم أصبر و أقوم بالمهمّة علشان ما اكونشي من الغاوين! أنا لو عليّه كنت قلبت الموضوع من زمان.. و انا مش عبيط علشان أعمل كده.. زي ما مش عبيط علشان أفطر رمضان عمداً وأشيل 60 يوم متواصلين غير منقطعين عن كل يوم! أصوم آه.. لكن أسيبه يطلع و يسيبني؟! لأ! إزّاي: الصيام يظلّ مُعلّق بين السماء والأرض حتى تتم صلاة ذلك اليوم.. و أنا من 2018 و أنا بحب أعلّقه في السما مربوط من الأرض زي البالّونات من أجل دموع عيون المنتظرين اللي شفت و بشوف منهم كل حلو من نهاية 2016!

مش عارف أعمل إيه في أوّل تعليق بتاعك لأن الموضوع مبقاش يظهر في أحدث المشاركات من ساعة ما انت عملت حاجة في حسابك النهاردة. لازم أراجع "المنتدى العام" بنفسي.. بافكّر أمسح أوّل تعليق ليك و أخلّيه "اقتباس" في أوّل تعليق ليّه..

https://rtghdfgbyto.ahlamontada.com/latest

لا تكون خدت الكلام اللي فوق عن الضرب تحت الحزام عليك؟ ده حتّى "فاعل خير" رفع موضوع قديم بتاع "مررت من هنا" كنت نسيته ونسيت كل نقاشنا فيه وهوّه فكّرني بيه.. ولأنّي عارف "فاعلي الخير" بيقى قصدهم إيه ولإنّي أصلاً نسيت الخلاف فتجاهلت النقاش القديم و ردّيت على سؤاله بعد فصل الموضوع لموضوعين (والتالت محذوفات السخرية من المعيز)..
أنا قصدي فوق على صفحات المنتظرين و المنتظرات على الفيس و اليوتيوب اللي نازلين كلام و حب و هيام مع حظر و حذف و بلوكّات! أنا عارف إن أكيد فيهم وصلوا لحسابي هنا لأني كنت باتعمّد أترك روابط عندهم و عند أصدقاءهم وعارف إن أكيد بيتابعوا بدون دخول أو تسجيل.. مثلاً فجأة لقيت مواضيع كنت نسيتها مشاهداتها نطّت بالمئات من آخر مرّة سجّلت عدد المشاهدات فيها (دي الطريقة الوحيدة إنّي أعرف إذا كان ما زال هناك متابعين صامتين أم لا).. فواضح إن فيه حركة بقبقة تحت السطح و أنا مش داري بيها.. عندك مثلاً "رسالة للمهدي في شعبان ثم رمضان".. نسيته تماماً شهر فجأة لقيته نطّ 340 مشاهدة! رغم إن مواضيع فلستوقة محدّش مهتمّ بيها بنفس الدرجة رغم إنّي بحط فيها كلام كتير مزنوق في النُّص.. مش كُلّها عن فلستوقة! أنا بس مخلّيه البهار و التحابيش فوق الموضوع!

====== 110 مشاهدة بعد إرسال التعليق السابق
====== 232 مشاهدة يوم 27 فبراير 2022 9:56 مساءاً بتوقيتي تشمل مشاهدات التعليقات المفصولة عن البحث في محرّكات البحث الثلاثة
====== 266 مشاهدة يوم 3 مارس 2022 2:57 مساءاً بتوقيتي
====== 327 مشاهدة يوم 10 مارس 2022 1:46 مساءاً بتوقيتي
====== 673 مشاهدة يوم 11 ابريل 2022 6:04 صباحاً بتوقيتي؟!

خلّيك.. أدينا بنسلّي صيامنا!

زائر

خلّيك.. أدينا بنسلّي صيامنا!

فكرتنى ببتاع اللعب كان ينادى ويقول
(صلى صيامك بشويه لب ) Very Happy

ر ؤيا كتب:: خلّيك.. أدينا بنسلّي صيامنا!

فكرتنى ببتاع اللعب كان ينادى ويقول
(صلى صيامك بشويه لب )

لأ واضح إن الصيام جاب آخره معاك! بتاع اللعب بيبيع لعب مش لب!
بس حلوة تسلية الصيام بالأكل و القزقزة! يا سلام لو سندوتشين مؤمن كُبار معاهم و حاجة ساقعة! ده يبقى صيام آخر دلع!

زائر

اللب مش اللعب
بس الواحد وهو صايم مش شايف Very Happy

طب أنا دلوقتي صايم ونفسي أنام ساعتين قبل الفطار علشان هلكت من قلّة النوم الأيّام اللي فاتت.. وما ليس نفس أدخل على البث بتاع أبوعبدالرحمن اللي ح يبدأ كمان ساعة! كمان يوم ولّا اتنين أبقى أشوف التسجيل بضعف السرعة في نصف الوقت! وتامر شعبان مختفي من 9 أيّام مش عارف ليه بس مش فارقة معايا..

زائر

نوم العوافى يا ابو اشرف Very Happy

ر ؤيا كتب:: نوم العوافى يا ابو اشرف

إنتوا بتجرّبوا علشان تعرفوا أنا مين؟ صيد سمك هوّه؟ لأ: ما عنديش أشرف! و مش ح العب اللعبة وافضل أقولّك ما "لأ: ما عنديش ده" لحد ما تيجي لإسم عندي!
أبو أشرف ده بتاع سمك مشهور في بحري هوّه و بقّش بتاع اللحوم.. أكلت عند أبو أشرف 3 مرّات: مرّة في إفطار رمضان أو عشاء للقسم، ومرّتين كمان.. بحب الرز بخلطة المأكولات البحرية (بعجري وغيره)..
بقّش مرّة أو مرّتين في إفطار جماعي للقسم.. مش فاكر كان فيه مرّة تالتة ولّا لأ. أحلى حاجة عجبتني طاجن الرز باللحمة واللبن (تقريباً ضاني).. يمكن فيه حاجات تانية بس ده اللي فاكره بعد أكتر من 25 سنة..

فيه مطعم كمان نسيت اسمه.. لأ افتكرت: سي-جَلّ sea-gull أو طائر النورس.. ده غالي جدّاً بس أكلت فيه ببلاش مرّة علشان كنت باصلّح مشكلة في برنامج الكمبيوتر ومش ح أقول مين اللي اشتغل فيه قبلي (ولا صلته بيّه إيه) وتقريباً هوّه اللي عمله مع واحد تاني أو كمّله بعد واحد سافر!! ده كان بيتعزم فيه الزعماء الأجانب أيّام مبارك (معرفشي حاله إيه دلوقتي).. و تعاملي كان مباشر مع صاحبة المحلّ! و لأنّها أصلاً ألمانيّة فده فيه تقديم خمور علشان كده محبّتش أكمّل صيانة في برنامج الكمبروتر وواحد تاني كمّل و بعده أخوه.. فيه عازف كمان أو كمنجة (مش فاكر) لازم يلفّ على الزباين و يعزف موسيقى جميلة..
طبعاً فوراً لجنة ح تكون الصبح هناك تسألهم مين اللي عملّهم برنامج الكمبيوتر في التمانينات ومين كمّل صيانة وراه! بس بصراحة مش فاكر اللي عملّهم البرنامج هوّه أخويا ولّا حد بدأه قبله!
FoxPro for Dos!
أكيد دلوقتي مشوا مع الموضة و اشتروا برنامج أوردر بالتابلت. رغم إنّي أشكّ لأنّهم ما بيبدّلوش حاجة شغّالة!
زمانك جعت دلوقتي! ح تفطر سمك ولّا طاجن ضاني باللبن النهاردة؟! يا ريت لو ملوحة.. ما كلتهاش من أيّام والدي الله يرحمه كان يعرف واحد من سوهاج أو قنا تقريباً أصله سوداني و كان ييجي يزوره كل كام سنة ويجيب ملوحة وفطير مشلتت و مش فاكر إيه كمان معاه..

على فكرة: آخر صلتي بالجيش كانت خمس أيّام في اللجنة الطبيّة! إعفاء بسبب ضغط دم مرتفع! الحكاية كانت على عباد الرحمن بالتفصيل.. بس طبعاً مش ح تلاقيها بعد ما نقلوا السيرفر مرّتين من غير ما ينسخوا المحتوى..
على فكرة: خلّتني أفتح كيس لبّ امبارح.. اتفضّل حبّه (عارف: عزومة صيّادين)! (و لبّ السمير طلع لسّه موجود في محلّ تاني بس أبيض وملحه كتير جدّاً لدرجة إنّه بيبهدل شفايفي علشان كده بطّلت أشتريه - عندنا هنا لب أبيض كندي بس ما اشتريتهوش من زمان علشان بالغوا فجأة في السعر)

يا ترى حد راح حقّق مع سمير غانم في تربته و سأله مين اللي سلّفه العشرة جنيه اللي قضّى بيها أسبوع في القاهرة وعمل أوّل برومو إذاعة على الهواء مع ثلاثي أضواء المسرح؟
الحمدلله إنّه خلا بوعده مع أبويا.. كان زماني دلوقتي مصوّر سينمائي ولّا مخرج وعايشين عيشة الفنّانين والفنّانات و مختلطين بيهم! بس الحمدلله هوّه فاق وتاب في آخر عشرة خمستاشر سنة من حياته و حج أكتر من مرّة.. آخر إزازة أو كوبّاية بيرة شفتها (مكانش في البيت - دايماً برّه البيت) و أنا معاه كان تقريباً عندي 3 أو 4 سنين في مكان كلّه ترابيزات مفتوح على كورنيش اسكندريّة (مش فاكر سان استفانو ولّا في محطّة الرمل ولّا في المنشيّة) وفاكر وقتها إنّه رفض العزومة وقال إنّه بطّلها خلاص..
تشرب حاجة معايا؟ Laughing

أنا لسّه فاضل عندي ساعتين إلّا ربع على السحور يعني ممكن تشرب! تشرب إيه؟ ستيلّا؟ يا راجل قول كلام غير ده: احنا ف رمضان! Laughing

إنّما يا رؤيا: إيه آخر أخبار مطاعم السمك واللحمة الشهيرة في مصر؟ لسّه بيستخدموا أسماك و لحوم نظيفة ولّا مقضّيينها لحوم ميّتة على حمير على خنازير؟!

زائر

والله يا خويا الغش موجود فى كل مكان
اول من ابتدع النصب والغش هم الصينيين ثم الاسيويين
محدش فى مصر هيغش اللحوم بلحم خنزير
لان ببساطه كيلو لحم الخنزير فى مصر اغلى من اللحم البقرى Very Happy

ولكن فى العموم المطاعم نظيفه كلها

ر ؤيا كتب:: والله يا خويا الغش موجود فى كل مكان
اول من ابتدع النصب والغش هم الصينيين ثم الاسيويين
محدش فى مصر هيغش اللحوم بلحم خنزير
لان ببساطه كيلو لحم الخنزير فى مصر اغلى من اللحم البقرى
ولكن فى العموم المطاعم نظيفه كلها

كويّس إن الخنزير أغلى من اللحمة!
بس جرّبت الحواوشي بكراتين البيض والصبغة (بدل اللحمة المفرومة)؟! بيقولوا طعمه يجنّن! يِهْبِلْ!
شوفت الفيديو بتاعه؟! مستحيل تحسّ بالفرق! خصوصاً مع التوابل والبصل!

زائر

الحمد لله مبحبش الحواوشى Very Happy

أنا باحبّه.. بس كنّا بنعمله في البيت و نروح الفرن نحطّه في العيش العجينة بنفسنا.. لكن حواوشي من الشارع؟ لا و ألف لا..
بس بصراحة: ياما أكلت سندوتشات فول و طعميّة (فلافل) محشيّة و كبدة وبيض بالبسطرمة و سوسيس.. خصوصاً من أبو ربيع (و أحياناً محمد احمد و جاد في محطّة الرمل).. وواحد كان على الشارع بين قسم الرمل والترام.. بس ده من 40 سنة (قبل ما يحرقوا الزيت شهر في الطاسة قبل ما يغيّروه).. كانت أيّام... الكشرى ما كانش مشهور أوي في اسكندريّة - بس صاحبته سنتين في القاهرة في عبّاس العقّاد (مدينة نصر).. تقريباً الحاجة الحلوة الوحيدة اللي فاكرها للقاهرة! للأسف بلد خنقة و معظم النّاس كنت تحسّ إنّها كشرة و مكشّرة أنيابها و أظافرها لو حاولت تقرّب منها أو تصاحبها و اللي يعرف إنّك اسكندراني يبقى مش طايقك من أوّلها! ده غير افتراض سوء الظنّ أوّلاً قبل كل شيء.. عمري ما حسّيت بغربة في حياتي مع النّاس ولا خنقة نفس في الشارع و في الطريق و إحساس بنقص الأكسجين و التلوّث زي اللي حسّيتها في القاهرة..
الله لا يرجّعها أيّام...

زائر

مع احترامى ليك يا سمنودى ارجو ان تقبل نقدى
فانت اصبحت مستبد ومتسلط منذ ان اصبحت مديرا للمنتدى
اولا انت تمنع الان دعايه لمدعى المهديه مع انك تدعى المهديه منذ زمن فى هذا المنتدى وبموضوعات مختلفه
ثانيا انت اغلقت موضوعى عن منتدى المتباغضين فى الله مع انك دائم الهجوم على كل المنتديات وخصوصا منتدى الشامل ومديره الفرذدق
ثالثا انت قلت فى البدايه انك ديمقراطى وانك لست مدير بل مجرد منسق لحذف السباب والشتائم وليس للحظر والحجر والمصادره
رابعا لاحظت عليك مصادره الافكار والاجتهادات حتى انك تصنف قائلها وتغير معرفه اللذى كتب به الى فلان الملحد او فلان الكاذب او فلان المتشكك

» رؤيا و جرندايزر و سمنّودي: يا غلاستك
» فكّ الصورة المُشفّرة + سمنّودي بومب و ما بيعياش يا رؤيا!
» رؤيا عامل وائل الإبراشي مع سمنّودي!
» مباهلة و حرب رؤيا على سمنّودي من الصفحة الخامسة - كان ".........."
» السلام عليكم ورحمة الله وبركاته اللهم صل و سلم على محمد وعلى آل محمد رأيت وكأن المهدي فوق عمود مرتفع جدا بالطائف ومعه شخص يتحدث معه والناس تحته وكأنه يحكي لصاحبه عن قريته وعن ظلم وقع فيها قديم منقوووووووولة