مباهلة و حرب رؤيا على سمنّودي من الصفحة الخامسة - كان ".........."

من سمنّودي:
مش مكسوف إنّك تحلف كذب؟  عادي: تاجر بأه (بَقَه بالعاميّة)!
وانت أثبتّ إنّك مجرّد كلمنجي تعشق الكذب بترمي كلام ليس له إثبات و بتختار الشواذ من البشر لا يتعدّون بضعة آلاف أو حتّى عشرات الآلاف (الشّحّاتين و الرقّاصات مثلاً) و تعمّمها على 100 مليون!
اقتصاد غير رسمي بالمليارات: اقتصاد الرشاوي والمخدّرات والدعارة ودول اللي شغّالين فيه نسبة قليلة جدّاً من الشعب المصري الغلبان..
شكلك عمرك ما رحت المناطق الفقيرة ولا شفت النّاس التي لا تأكل اللحمة سوى في العيد (إن شافتها أصلاً)..
النّاس اللي بتشتغل شغلتين وثلاثة مثل العبيد لأن الاقتصاد تعبان والمرتّبات ضعيفة والغلاء الفاحش يستفحل في كل شيء.. و بيعملوا كده وبرضه مش مرتاحين وبيكمّلوا الشهر بالعافية..

إخواني باسمع لأبواقهم؟ أنا جئت لك بأرقام من إحصائيّات رسميّة صادرة من أجهزة الحكومة و جهات عالميّة معترف بها وأنت تقول رطّاط؟ ما طبعاً لازم ترمي أي كلام و أي اتهامات لأن ما عندكشي إثبات لكلامك الذي لا قيمة له..

مستحيل تكشف وجهك؟ مش يمكن علشان موسادي من كتائبهم الالكترونيّة؟ ولّا ضابط مخابرات أو أمن دولة وكمان تاجر؟ ولّا مش عايز النّاس تعرف إنّك سيساوي لأنّك تتظاهر بعكس ذلك لأنّك تعمل جاسوس على "أعداء الاستقرار" و بتكتب تقارير فيهم؟!
أَنْزِل "مَسْرْ" التى بها 99% من الظلم في العالم؟ علشان أحصّل ريجيني ولّا المخرج الأردني اللي مات من الفيل الأزرق و وقع على دماغه وكسّرها بعد ما كسّر إيديه ورجليه قبلها؟  ح تقابلني فين؟ في قسم المنتزة مقتلة الأبرياء قبل ما تحدفني من شبّاكه (النافذة) ولّا مكتب من مكاتب قتلة الشعب كلاب الدوبرمان بتاعة النظام (أمن الدولة) التى تغضب فقط من أجل سلامة كراسي الظالمين؟!  الدفنة ح تكون فين؟ في قبو أمن الدولة في البحيرة ولّا في مزبلة في الصحراء؟!

"مسر" أنا لم أنزلها طوال أكثر من 23 عاماً سوى 3 مرّات إحداهم أسبوعين في الحج و آخرهم في 2012 و مرّة كمان ما تتحسبشي (48 ساعة لتجديد تأشيرة الدخول في السعوديّة) (عارف إن ده يساعدكم تتأكّدوا أنا مين من كمبيوتر الجوازات)..  وأنا حزين عليها من ساعة ما هاجرت لأنني كنت أدرك الطريق الذي تسير فيه (الفساد والخراب و اتّساع دائرة الظلم) و قرفت منها منذ المنصّة و رابعة وما بعدها و "تسلم الأيادي" والرقص في الشوارع و الإعلام على أرواح الشهداء المغدورين من أجل الانقلاب. يعني إنسى أصلاً إنّي أدخلها ولا حتّى بعد الخسف و التمكين: يمكن فقط لزيارة مقابر الصحابة في الصعيد.. حكاية يكون لي منبر فيها دي مش داخلة دماغي و مش بالعها.. ولو خطبت فيها (من الخطابة في الجمعة)  خطبتي ح تكون كلّها قرف واشمئزاز واشمئناط.

عرفت ليه مهما حصل لمصر مش ح ادعيلها بالرحمة ولا التخفيف بل سأدعو بالزيادة؟ علشان اللي زيّك.. وأنا عارف إنكم ممكن تطلّعوا 20 "رؤ يا" مش "رؤ يا" واحد يدّعي كذباً أنّ المباهلة لم تصبه بشيء.. ولهذا لن تكشف من أنت كي يسهل استبدالك بمن بعدك.
على فكرة: إيه رأيك في عبدالله رشدي و اللي بيحصل معاه؟

ر ؤيا كتب:

والله كل كلامك غلط 
وانت اثبتلى فعلا  انك اخوانى تسمع لابواقهم 
اقولك ايه ما انت بقيت خواجه لا تعلم عن واقعنا شىء 
بس التجريح اللى انت فالح فيه 
الموظف عندنا يا خواجه بيشتغل شغلانتين غير الوظيفه 
الشحات عندنا الورديه بتاعته 500 جنيه فى اليوم 
احنا عندنا اقتصاد غير رسمى بمليارات ليس له وجود فى الاوراق يا خواجه 
انا مستحيل اكشفلك وجهى فى المنتديات 
ممكن لو يهمك تعرفنى انزل مصر وانا ابعتلك تليفونى واقابلك 
اما عن مباهلتك والله لم تؤثر معى فى شىء بالعكس 
ولله الحمد فى احسن احوالى 
اما باقى كلامك فانا مش  هرد عليه لانى رديت عليه قبل سابق وانت رطاط بصراحه 

من سمنّودي:
غريب: سيبك منّه عمره ما قدر يغلبني في مناقشة لأن كلامه ليس له أساس وأنا كلامي أحضره له من مواقع رسميّة وإحصائيّات وبيانات حكوميّة مصريّة..
أنا فقط أسألك عن رأيك الشخصي في عبدالله رشدي وما يحدث منه ومعه.. مش عايز تجاوب ليه؟!
محدّش في مصر بينام من غير عشا يا كذّاب؟  أمّال إيه الأسر اللي بتتقاسم وجبة الإفطار كل واحد يفطر يوم بالتناوب (ومفيش غداء ولا عشاء)؟! ما سمعتش عن الحالات دي؟  أنا خارج مصر لكن أسمع كل ما يحدث بها..
مُصرّ تلعب في ملعب مش ملعبك!  لعبة البحث والأرقام و الإحصاءات!
يا لهوي على الهبل!  إنت عارف يعني إيه 75 نقطة؟  يعني 0.75%!   إنت عارف مصر في لعبة التعويم الأخير التضخّم كان كام؟ 24%
لمّا تسمع أي كلام عن أي اقتصاد أي دولة بالنقاط فهذه نقاط من مائة في المائة أي نقاط من عشرة آلاف! إفهم يا...
إمسك الآلة الحاسبة يا تاجر و اقسم 24 على 0.75 يطلعلك إن التضخّم في مصر في يناير 32 مرّة مثل التضخّم في كندا!
سعر الإقراض الرئيسي ليلة واحدة (و يكون بين البنوك من البنك المركزي) 4% سنويّاً أي أن الفائدة تُحسَب يوميّاً على أساس 4% سنويّاً يا ذكي!
خد عندك الثلاث رسومات القادمة وقارن:
كندا من 1987 حتّى 2027 (السنين القادمة بناء على توقّعات و دراسات) >>>المصدر في هذا الرابط<<<


مصر من 2000 إلى 2016 المصدر في >>>هذا الرابط<<<



مصر من أكتوبر 2018 إلى أكتوبر 2019 >>>المصدر في هذا الرابط<<<

من نفس الرابط من 2007 حتّى 2018 (لاحظ أن 2017 كان التضخّم 29.5%)


والتالي هذا يوضّح التغيّر الأخير (24%).. طبعاً الرسومات فسّت كلامك عن كندا!  برضه قصر ديل يا.. أصل الأمنجيّة ما لهمش في الدراسات والاقتصاد والإحصاءات والرسومات البيانيّة..

source: tradingeconomics.com

و للمقارنة من نفس الموقع: كندا في نفس العشر سنوات شهر بشهر.. لا يغرّك ارتفاع الرسم مقارنة بمصر! أنظر للأرقام التى على اليمين.. كندا أعلى رقم 6%. مصر تجاوزت 35% لكن المتوسّط السنوي كان 29.5%.  المتوسّط السنوي لكندا في آخر 2023 قد يكون أقل من 6% حسب الأحوال الاقتصاديّة..

source: tradingeconomics.com

ما تتفرّج ع المسرحيّة أحسن بدل ما تناقش في أمور مش ح تعرف تضحك عليّه فيها؟!        

من سمنّودي:
برضه بتتهرّب من إبداء رأيك في عبدالله رشدي وما حدث منه و ضدّه ومعه.  لسّه مستنّي إجابتك..
وبرضه يقولّي بالبركة.. عامل زي عم بيظا في فيديوهات عبدالله الشريف!
اللي انت مش فاهمه (شاكلك محتاج يعملولك عرض مخصوص للمسرحيّة اللي في الصّورة!) إن التضخّم هو معدّل ارتفاع الأسعار للمستهلكين مقارنة بالعام السابق.. فـ تضخّم 5% يعني أن الأسعار صارت 105% من أسعار السنة الماضية.   يعني قيمة تضخّم الأسعار الفعليّة (أو مؤشّر الغلاء و ارتفاع الأسعار للمستهلكين) في سنة 2023 (قبل التعويم) مقارنة بـ 2013 هو حاصل ضرب (100+نسبة التضخّم في كل سنة) لكل تلك السنوات مضروبة في أسعار 2013!  التضخّم كان منخفض في 2014 وما بعدها فقط بسبب الـ 90 مليار دولار الديون الخليجيّة و غيرها التى أسعفوا بها السيسي (أيوه ديون: لا بد من سدادها في وقت السداد وده سبب التعويم والتضخّم المفاجيء لمّا ما عرفوش يسدّوها)..
اللي انت مش فاهمه يا ذكي أن تحويل قناة السويس من مملوكات الدولة و الشعب للصناديق الخاصّة و السياديّة تحت سيطرة حرامي الجمهوريّة هو خطوة مبدئيّة لإمكانية بيعها أو تأجيرها أو رهنها سداداً للديون!  كل الدول التى حوّلت ممتلكاتها العامّة لصناديق خاصّة انتهت لبيع تلك الممتلكات لأجانب بأبخس الأسعار لسداد الديون التى عليها و فضلت في الآخر مديونة تحت حذاء الدائنين.. راجع رومانيا و أمثالها وما حدث فيها..
الأموال التى  في الصناديق الخاصّة دي وَهْم بيضحكوا بيه عليكم! لو كان هناك أموال فعلاً ما انهار الجنيه بالنسبة للدولار لهذه الدرجة في 9 سنوات (من 6 جنيه للدولار في 2012 لـ 30 جنيه في البنوك و أكثر في السوق السوداء)..
مصر على خطوات قليلة من بيع و رهن كل أصولها التى تحت سيطرة الصناديق الخاصّة للأجانب بتراب الفلوس و الإفلاس (كما حدث أيّام الخديوي اسماعيل).
و المصريين يستاهلوا علشان يعرفوا يرقصوا على أنغام الظلم و دماء الأبرياء..
الآن مصر مطالبة بسداد القروض الخليجية و غيرها..  المشروعات التى أنفق عليها السيسي لتحويل أموالها لجيب الجيش (مثلاً المشروع اللي بـ 5 يتعمل بـ 15 و 10 في جيب القادة والرئيس في الحسابات الأجنبيّة) هي مشروعات غير ذات جدوى اقتصاديّة ولن تعود بالنفع أو بعملات أجنبيّة على البلد و مشروعات ظهر فيها فساد كبير في التنفيذ (يعني فلوس اترمت على الأرض) وما زال المواطن المصري الغلبان مطالب بالسداد!
تعرف إن المواطن المصري الغلبان بيدفع 10 مرّات قد المواطن الأوربّي في الكهرباء التى يتم تصديرها؟ و المواطن الأوربّي يدفع للشركات 20 مرّة قد سعر التصدير؟ بل وأن المواطن المصري الغلبان يدفع أسعار للكهرباء أعلى من تكلفتها؟! يعني المواطن المصري الغلبان يدعم شركات الكهرباء الأوربّية؟  ده تسمّيه إيه؟!
إلهي ياخدك انت والسيسي و البيادات و أبوقها كلّها في يوم واحد أخذ عزيز مقتدر ويخلّيك من أصحابه وجيرانه في الآخرة!
وكفاية علشان بعد ما وصلت لثلاثة أيّام رجّعتني لخمسة أيّام من اشتراكات اليوتيوب (75 فيديو) ما زلت أحتاج أن أشاهدها حتّى أصل للمشاهدة يوم بيوم.. وبعدها أشوف حكاية قناة ساندي في السنتين اللي فاتم وكام قناة كمان على حسابي الثاني اللي ما كنتش بادخل عليه.. وبعدها يمكن أفكّر أشوف أبوعبدالرحمن قال إيه في قناته الأساسيّة في الشهر ونصف اللي فاتم!  بصراحة اتعوّدت على عدم رؤيته ومرتاح كده وغالباً لن أعود لمشاهدة ما قال أو يقول..  باسمع فيديوهاته القديمة (بضعف السرعة العاديّة) في قناته الثانية التى ما زلت مشترك بها لأنّها قديمة ولأنّها صوت بدون صورة ولا تزيد عن فيديو في اليوم!  و باستمتع بأخطاؤه العجيبة في تعبير بعض الرؤى الغير صحيحة عنّي!  قال قمر وشمس بيلفّوا في دايرة في إيدي قال! وقال إيه؟ على ظاهرها!

إيه رأيك تبصّ على الفيديو ده من الدقيقة  19:30 حتّى 25؟ بس من الأفضل تراه كلّه.. أنا أرفع سرعة العرض لـ 1.75 أو 2.0 من خيارات الفيديو على اليوتيوب..  واشرحلي ليه المواطن المصري يدعم المواطن الأوربّي في أسعار الكهرباء؟!  ومن الذي يأخذ الفارق؟!  تفتكر شركات وسيطة ملك العساكر هي اللي بتدفع لمصر 2 سنت في الكهرباء و تعيد بيعها للشركات الأوربيّة بـ 10 سنت أو أكثر؟!  

ر ؤيا كتب:

تانى هتجبلى احصائيات 
يا راجل ارحمنا انت خواجه صحيح 
احنا هنا عايشين بالبركه 
بركه ربنا التى لا يعرفها بلاد الكفار اللى انت فيها 
انا بقولك اهو انا كل يوم الحمد لله فى زياده حتى مع ارتفاع الاسعار 
انا هضربلك مثال 
الريس رفض يوقف المشروعات القوميه رفضا باتا رغم انها تتكلف مليارات 
ده دليل على ايه ؟
ان فيه عندنا فلوس بس مش فى الرسمى اسمها الصناديق الخاصه 
حتى قناه السويس دخلت صندوق وطلعت من الموازنه العامه للدوله من حوالى شهر 
لم تتوقف المشروعات التنمويه الا بعد ضغط من صندوق النقد اللى قاعد زى الاطرش فى الزفه 
وهفكرك بعد كام شهر يا سمنودى انك هتيجى انت وجيرانك الكنديين تطلبو اللجوء الى مصر هربا  من القصف الروسى 

من سمنّودي:
أنا أبوجهل؟ أمّال إنت مين؟!  الصادق الأمين؟  ده انت أكتر واحد كذب في كلامه دفاعاً عن بلحة و حكوماته! معتاد على العزلة؟ و تاجر؟ طب تيجي إزّاي؟
أنا آخذ بكل الكلام الذي يدخل العقل و مصحوب بدليل مُقنِع.. كلامك ليس فيه أي أدلّة مقنعة: مجرّد كلام مُرسًل و وعود مثل وعود السيسي التى لم يتحقّق منها شيء.. ستمرّ السنوات و نكتشف أن كلامك لا يتحقّق منه شيء..
تحويل الممتلكات العامّة لصناديق خاصّة في البلاد الفاسدة هو لإبعادها عن المراقبة ضد الفساد وسوء استغلال وإنفاق الأموال.. ح نعرف الفضايح وحقيقة ما حدث بعد فوات الأوان وضياع الأموال وسرقتها بعد خراب البلد و سقوط السيسي وزمرته..

الأستاذ ده  مخرج قديم و عمل في قلب النظام وعالم الفنّ والتمثيل والسينما لعقود.. بس ربّنا تاب عليه وبيكشف أسرار و فضايح كثيرة و بالأدلّة..
الموضوع تحوّل من "الدعم يصل لمستحقّيه و غير مستحقّيه" لـ "الدعم لا يصل لمن يحتاجون إليه ويتم قطعه عنهم بكل الطرق و منها رفع أسعار الكهرباء والمياه و الغاز وأنبوبة البوتاجاز وغيرها عليهم فوق سعر التكلفة مع انهيار متواصل لقيمة الجنيه في نفس الوقت". يعني غلاء الأساسيّات مع ارتفاع الأسعار مع عدم ارتفاع الدخول بنفس النسبة..
الفساد لو تم عقابه أوّلاً بأوّل بقطع اليد أو بالإعدام سيتوقّف في جميع المجالات..
هوّه ما قلبهاش صراع طبقي.. هو وضّح أن تأثير رفع الأسعار يقع على الفقراء و محدودي الدخل ولا يضرّ الأثرياء بشيء..  ارتفاع سعر الكهرباء من 5 قروش لـ 145 سيؤثّر بشدّة في من دخلهم بمئات الجنيهات.. لكن لن يؤثّر في يُغيّرون البي-إم والمرسيدس كل عام أو عامين على الأكثر أو من دخلهم يزيد عن عشرات الآلاف شهريّاً.
بعد الثورة الكهرباء كان يتم قطعها عمداً بالأوامر و يتم منع توصيل الغاز الطبيعي لمحطّات توليد الوقود بحجج مختلفة.. و الوقود كان يتم تفريغه بعربات النقل في قلب الصحراء لحرمان المحطّات (بنزين وطاقة) منه وبالتّالي منع وصوله للناس..
الموضوع كان أموال تنفق و سُلطة تُستغل لحرمان النّاس من الكهرباء والبنزين و الرّاحة و الأمان للحرص على إفشال الإخوان والكل يعلم هذا..
أولئك الذين فعلوا ذلك حسابهم عند ربّهم يوم القيامة عسير على ما فعلوه.. لا تظنّ أنّهم كسبوا شيئاً بأفعالهم هم و من أيّدهم.. بل كسبوا عذاب جهنّم و بئس المصير خالدين فيها أبدا..
و نتيجة ما فعلوا هي غضب الله ومَحْقُه للبركة التى تدّعيها رغم أن البيانات والإحصائيّات لا تكذب و تؤكّد أن ليس هناك بركة ولا يحزنون بل ناس بتعاني لتكملة الشهر..

ر ؤيا كتب:

الاستاز بتاع الفتنه ده اللى انت جايبه فى الفديو واللى انا معرفوش ده بيهرى باى كلام
طيب ايه رايك بقا ان انا ضد الدعم اصلا
الدعم اصلا لا يصل الى مستحقيه وانا من ايام مبارك كنت شايف ان الدعم بيفتح ابواب للفساد ملهاش حدود وانه بيهدر المال العام
لكن الراجل بتاعك قلبها صراع طبقى وغنى وفقير
بخصوص الكهربا
الحقيقه الواضحه فى الموضوع اليوم
ان الكهربا بطلت تقطع زى ايام الاخوان