شفت يا فلستوقة؟! حتى قريني مخاصمني! و هارْب خدعة، ولميس غرّرت بيّه امبارح!

من سمنّودي:
امبارح بالليل قبل ما نام افتكرت نغمة لحن و ما عرفتش افتكر الأغنية لأكتر من ساعة.. الموضوع ضايقني جدّاً وقلت مفيش غير قريني يساعدني.. هدّدته إنّه لو ما ساعدنيش أفتكرها ح اسمع قرآن، وعملت نفسي ح ادوّر على قاريء و سورة وقلت في نفسي لقريني ح اشغلّك البقرة.. برضه ما سألش فيّه! فكّرت أسأل في منتدى فلستوقة لـ"شفط دهون الأرداف" قصدي منتدى الشامل (أصل ده آخر موضوع عليه منذ خمسة أيّام) و احطّلهم رابط بتسجيل صوتي لنغمة الأغنية وبعدين قلت مش ح يسألوا فيّه و يحذفوا الموضوع كعادتهم..  نمت متعكنن علشان ما عرفتش افتكر الأغنية واسمعها قبل ما انام.. كنت متأكّد إنّها لواحدة جديدة أو فرقة حريمي من الجداد و بصوت بناتي (طلع جالي زهايمر!).. الصبح بعد ما صحيت كنت أصلاً نسيت اللحن.. حاولت افتكره تاني معرفتش.. بعد 3 ساعات أخيراً افتكرته بعد ما سمعت "بعدك على بالي" بالصوت الحنيّن لـ "نويل خرمان" وعيّطت معاها علشان افتكرت زميلة الجامعة اللي ماتت في أوّل سنة بعد الامتحانات بعد صراع سريع مع المرض ودون أن تكشف لنا مرضها وقبل ظهور النتيجة بدون ما اكشفلها مشاعري..  بعد 3 مرّات أخيراً افتكرت اللحن.. فاوضت قريني في سرّي و اتهمته بإنّه قرين خسيس و فاشل و ضعيف و قُلْتِلُه في عقل بالي يروح يستعين بأصحابه و يرجع يفكّرني بالأغنيّة..  مرّيت بسرعة على كل الفولدرات اللي نزّلتها في الكام سنة اللي فاتم (لأنّها أغنية جديدة نسبيّاً) لحد ما فجأة قريني رجع و افتكرت الكلمات ولقيت الأغنية (عرفت إزّاي: لإنّي افتكرت الأغنيّة!).. طلعت لذكر (وليس رجل حسب احساسي): "عود البنات" لحسن شاكوش!  حتّى أنت يا قريني طلع مفيش منّك فايدة و بتعذّبني ليلة بحالها علشان تنفّذ لي طلب بسيط زي ده؟! بس بصراحة زعلت إن عقلي طلع زهايمر و قلب الأغنية في الذاكرة على إنّها لواحدة مش لواحد و الكلمات كمان طارت و عشان كده ما عرفتش أفتكرها. بس مجرّد ما شغّلتها افتكرت الكلمات معاها على طول!
على فكرة: نويل خرمان (أو كرمان) لازقة أغنية فيروز في نهاية أغنية أجنبية في نفس الفيديو.. "بعدك على بالي" هي آخر دقيقة في فيديو 3 دقائق يبدأ بأغنية أجنبية لهذا فصلت الدقيقة في ملف منفصل كي أسمعها براحتي بتكرار بدون الأغنية الأجنبيّة..
و زاد على الأمر إن لميس خان غرّرت بيّه امبارح. لقيت إشعار جديد من يومين من اليوتيوب منها بفيديو جديد لأغنية جديدة (أصلي مشترك بقناتها).. الأغنية كان المفروض تنزل امبارح.. بس ما نزلتش لحد دلوقت.. البرومو بتاع الأغنية حبّبني فيها وحسّيت إنها بالنيابة عنّى ("الحرب العالميّة التالتة بدأت عشان أنا مشكلة!").. ولد يا فلستوقة: روح شوفلي أغنية لميس خان إتأخّرت ليه؟! قربت أزهق من "لورا خليل-بحبّك" و "أمل منسي-مزاجي عالي".. أسبوع كامل ليل نهار باسمع فيهم حتى و أنا نايم!  طب واللي بيحصل في الدنيا والأهوال والزلال والفيضانات والأعاصير؟ ولا يهمّني خلاص.. أصلي:
ما ليش في جوّ العكننة مزاجي عالي فوق..
أنا لمّا باحضر في المكان الجوّ لازم يروق..
اللي بيوجع دماغي (زيّك كده و ابوعبدالرحمن وغيركم كتير) برّا، عندي ما لوش رجوع (بعد الخسف والمبايعة)..
باعملّه سوفتوير ونقطة وينتهي الموضوع..
أنا أنا أنا شارية دماغي..
  و ماليش في الهمّ أنا ومدّيّة للأحزان أجازة..
أنا أنا أنا باتلاغي وعمري في يوم ما الاغي..
  وبحبّ الرقص والغنا.. رايقة ومودي في اللذاذة..
ما ليش في جوّ العكننة مزاجي عالي فوق
...
خيالي فولتُه عالي ، وقلبي واخد ع الروقان
تطلع تنزل تتزلزل .. حلوة الدنيا بالجنان..
باحدف ورايا وقتي..
اللي يزعلني ما يشغلنيش..
علشان ترتاح اعملها سهلة جدّاً بالتطنيش..
مش عاجبك كلامي وأسلوبي؟!  بسيطة..
دوّر ع الفرحة تلاقي الضحكة بالأحضان واخداك!
كبّرها و نعنش كده فوّق فكّها تتفكّ معاك
فلتر إحساسك وقتي..
خلّيك إيزي كده فرفوش..
فك التكشيرة .. الدنيا جميلة.. و ما تبقاش قفّوش!

و بالنّسبة للناس الهابلة اللي بتصدّق أو بتنشر إن هارب قادر على إثارة الزلازل.. الموجات عالية الطاقة (ولهذا يجب أن تكون عالية التردّد جدّاً) لا تستطيع اختراق الغلاف الجوّي أو الانتقال لمسافات طويلة و تنتقل بالانعكاس من الغلاف الجوّي إلى الأرض ثم الغلاف الجوّي (مثل المرآة) عدّة مرّات و تضعف في كل مرّة حتى تصل للأماكن البعيدة عن هارب، وتلك الموجات ستكون حارقة أو قاتلة لأي مخلوق حيّ تمرّ من خلاله.. و حتّى الليزر يتشتّت عند مروره بالغلاف الجوّي و توجيهه صعب بسبب قوانين إنكسار الضوء عند انتقاله بين الأوساط المختلفة و الليزر لن ينعكس للأرض.. و كميّة الطاقة اللازمة لإحداث زلزال صغير تحتاج عدّة مولّدات طاقة نووية تكفي بلد كامل و تعمل في نفس الوقت (وليس إريالات على مولّد ديزل!).. هناك موجات (اكتشفتها اليابان) تنتقل في الأرض قبل حدوث الزلزال و تستخدمها في إيقاف جميع القطارات عالية السرعة في نطاق الزلزال قبل وصوله.. وهناك وسائل مراقبة حديثة للتنبّوء ببعض (وليس كل الزلازل) قبل حدوثها بأيّام ولكن بدون تحديد التوقيت.. وبهذا يمكن إصدار الضوء الأزرق في السماء ليلاً قبل حدوث الزلزال ثم إدّعاء أنّه السبب في الزلزال و أن الغرب وصل للقدرة على التحكّم في الزلازل والفيضانات والأعاصير!  يستطيعون دائماً لإخافتكم إدّعاء أن هارب كان يتم تجربته قبل حدوث زلزال مباشرة.. وكل هذا لإضعاف الإيمان و الشك بقدرة الله أو التفكير أن ما يحدث هو بأمر الله و عقاب وغضب منه لمن يستحقّون ، مع إثارة الخوف من الغرب والأمريكان بعد الظنّ أن ما حدث من أفعالهم وليس من أفعال الله (كانوا عملوه في بعض بدلاً من حرب أوكرانيا)..  ولا تنسوا أن الوزير المغربي الذي ادّعى قبل زلزال المغرب بأيّام أن المنطقة آمنة وليس فيها صدوع وليست منطقة زلازل هو ماسوني و يهمّه أن يؤمن النّاس بأن الزلازل من عمل الماسون و الغرب والدجّال! وعدم وجود صدوع حسب قوله سببه هو عدم محاولة استكشافها أو الاهتمام باستكشافها.. ويبدو أنّه لا يعلم أن الجبال تنشأ من تضاغط بين القارّات أو الألواح الأرضية يؤدّي لرفع المنطقة بينها و لا بد أن يكون هناك صدوع من هذا التضاغط ورفع الجبال! وكذلك طبقات احتوت على مياه وجليد و إذا تسرّبت المياه (بسبب الشقوق و الزلازل الغير محسوسة و استهلاك مياه الآبار وغيره) ستترك فراغات يمكن أن تتسبّب في حدوث زلازل..
على فكرة: فيه ناس غريبة بتقول كلام غريب عنّي و مصدّقين كلام شيخ سعودي ومش عارف إيه و شكله صوفي مخاوي جنّ وبينقل كلامهم (وده أمر مُحرّم ولا يوثق فيه حتى و إن صدق في معظمه).. اللي عايز يقول حاجة يقولها مفهومة.. وبعدين الدور الأرضي في معظم بيوت كندا هو ذاته الطابق قبل الأخير لأن فيما عدا العمائر فالبيوت معظمها دورين أرضي أو أساسي للمعيشة و السفرة والصالون و المطبخ و حمّام صغير و علوي لغرف النوم و الحمّام الأساسي و بدروم تحت الأرض يكون فيه حجرة أو اثنان على الأكثر و نصفه للغسّالة والمجفّف و سخّان الهواء المركزي (للشتاء) والتخزين والكراكيب (مثل عجل السيّارة الصيفي والشتوي و الدرّاجات في الشتاء لحمايتها من الصدأ) بالإضافة للتكييف المركزي في البيوت الخاصّة الهاي كلاس وقد يكون فيه حمّام إضافي سواء لتأجير البدروم (ويكون له باب خارجي منفصل) أو  للطواريء..

من سمنّودي:
شفت يا فلستوقة أحلى و أجمل مفاجأة وهديّة على الصبح؟ لميس نزّلت الفيديو كليب خلاص! بس للأسف جالي الإشعار و أنا في الطريق لموعد طبّي فاضطرّيت أستنّى لمّا أرجع و اشوفه براحتي.. فكانت النتيجة أنني كنت رقم 1876 في ترتيب المشاهدات! وده طبعاً شيء مؤسف. معقولة أتأخّر على أحلى من أنجبت المغرب؟! بس بعدين معاك يا فلستوقة.. ح تفضل مختفي وسايب منتداك للإعلانات لحد إمتى؟ لحد ما يطلعلك الدجّال؟!  ما انت أكيد مش من المكتوب لهم إنّهم يبقوا معايا.. لكن مش مهم.. المهمّ لميس تبقى معايا!  أكيد ربّنا مش ح يكسفني في دعوتي بخصوصها وبخصوص كل المطربات والراقصات والممثّلات المصريّات والعربيّات والأجانب و فرق الفيديو كليبّات اللي وراهم!  (يعني يتعبوا نفسهم في الفيديو كليبات مع لميس وأمثالها و في الآخر أرميهم للنّاس أو أسيبهم للدجّال؟!).. على فكرة: أنا دعيت بالعمى على أي حد غيري يتفرّج عليهم و لو بعد حين.. يعني ما انصحكشي بالفرجة على الفيديو كليب أو البحث عنّه (لأنّك مش ح تعرف تقعد على بعضك) أو أي فيديو كليب أو أي صور لأي مطربة أو راقصة أو عارضة أزياء أو فنّانة عربيّة كانت أو أجنبيّة.. مسموحلك بالسماع مرّة واحدة فقط لمعرفة الكلمات والأسلوب (بس ما تقولشي وقت الحساب إنّي أفتيت لك بأن السماع حلال لأنّي أعلم جيّداً أنّه ليس كذلك)..
إيه رأيك: مش أنا فعلاً
الجديد و المختلف عن كل اللي فات؟!
بيسمّوني الصاروخ.. جمال صبر و طيبة وشموخ..
أنا اللي يعدّي جنبي .. يغمى عليه يدوخ!
الحرب العالميّة التالتة.. بدأت عشان أنا مشكلة!
أصل أنا مش طبيعية أنا فلتة! حلاوة مشكّلة!
على فكرة: أخبار مرارتك و قلبك وكبدك و أعصابك إنت و باقي المنتظرين إيه؟! يعني وسط كل اللي بيحصل حول العالم ده و أنا أسمع أغاني و أرقص عليها؟! أنا مشكلة فعلاً! مش كده؟
حبّيت بس أصبّح عليك و ع المنتظرين لو ما جالهمشي جلطة بقالهم كتير!
الحرب العالميّة التالتة.... مضطرّ أستنّي ساعة الأذان تخلّص..